«Тукай сүнмәс йолдыз ул»: әдәби сәгать (18+)

26 апрель көнне бөек татар шагыйре Габдулла Тукайның туган көне билгеләп үтелә. Бу көнне 1 нче санлы китапханә «Изгелек» инвалидларны тернәкләндерү үзәге реабилитантлары өчен  «Тукай сүнмәс йолдыз ул» дигән әдәби сәгать уздырды.

Китапханәче сөйләгәннәрдән тыңлаучылар Г.Тукайның тормыш юлыннан үзе өчен яңа мәгълүматлар алды, бөек шагыйрь турында замандашларының истәлекләрен тыңлады. Туган як, туган тел темасын яктырткан шигырьләрен укыдылар, әкиятләре белән таныштылар. 
Шулай ук шагыйрьнең иҗаты буенча викторина үткәрелде һәм видеофильмнар күрсәтелде. Китапханәчеләр укучылар өчен «Тукай яши безнең күңелләрдә» дигән китап күргәзмәсе әзерләгән иде.
Кичә «Туган тел» җырын бергәләп башкару белән тәмамланды.